Mae’r PHT yn fenter sy’n ceisio taclo anghydraddoldebau iechyd o fewn y Deyrnas Unedig.   

Mae anghydraddoldebau iechyd i'w gweld mewn sawl ffordd ac mae’r  PHT wedi cyllido dros 3,000 o brosiectau lleol.  

Yn eu mysg mae prosiectau yng Nghaergybi gan gynnwys Sgyrsiau Lleol, Grŵp Cybi Events a’r Grŵp Llywio Sgyrsiau Lleol.

Mae cynllun SERCO Restart yn brosiect a gomisiynwyd gan Adran Gwaith a Phensiynau  (DWP) ac yn rhoi cymorth unigryw i hawlwyr Credyd Cyffredinol sydd wedi bod allan o waith am o leiaf 9 mis, er mwyn iddynt ddod o hyd i  swydd.   

 Rydym ym Môn CF yn cefnogi unigolion ar yr ynys o dan y Gyfundrefn Chwilio Am Waith Dwys (IWSR) ac yn ymroddedig i ddod i ddeall eu sefyllfa bersonol, eu hamcanion a dyheadau a cheisio goresgyn rhwystrau gan symud ymlaen at bwynt lle mae swydd ddiogel a chynaliadwy wedi ei sicrhau.   

​

Drwy gyfrwng rhaglen SERCO gallwn helpu yn y ffyrdd canlynol:  

•  Cymorth unigryw 1:1 gan Fentor Gwaith   

•  Help i drefnu hyfforddiant a chael cymwysterau  

•  Cyngor ar faterion yn ymwneud ag arian a dyledion  

•  Datblygu hyder a sgiliau  

•  Darparu CV a gwybodaeth am sut i ymddwyn mewn cyfweliad  

•  Cymorth i rai sydd â chyflyrau meddygol meddyliol a chorfforol   

•  Gwella’r broses o gasglu gwybodaeth am y swyddi sydd ar gael   

•  Darganfod a sicrhau swydd gynaliadwy 

Rhaglen yw Cymunedau Dros Waith a Mwy sy’n cynnig cymorth arbenigol i helpu unigolion chwilio am waith drwy ddarpariaeth cyngor a mentora sy’n unigryw iddynt. Bydd hyn yn cynnwys cymorth i oresgyn rhwystrau fydd wedyn yn arwain at swydd barhaol.   

​

 Gan mae Môn CF yw’r darparwr Cymunedau Dros Waith a Mwy ar yr ynys rydym yn medru cynorthwyo unigolion i wella eu siawns o gael swydd a gwella eu dyfodol – lle bynnag maent yn byw ym Môn.  

​

 Mae’r rhaglen yn ein galluogi i glustnodi Mentor penodedig i weithio hefo’r unigolyn yn rheolaidd er mwyn sicrhau swydd iddynt.   

​

 Bydd Cymunedau Am Waith a Mwy yno i roi’r gefnogaeth a all helpu unigolion i wella eu hyder, sicrhau profiad gwaith, cael sgiliau newydd neu efallai ail-wneud CV. 

Mae Cronfa Ffyniant Cyffredin yn elfen o agenda Ffyniant Bro Llywodraeth y DU ac yn rhan o’r ymdrech i gael gwared ar yr anghydraddoldebau sydd yn bodoli yn y Deyrnas gyfan.   

 Y nod yw gwella’r balchder sydd gan bobl yn y llefydd maent yn trigo, drwy fabwysiadau mentrau a phrosiectau sy’n gwella cymunedau ac sy’n goresgyn anghydraddoldebau daearyddol sy’n wynebu rhai ardaloedd o’r wlad.   

 Olynydd arian  yr Undeb Ewropeaidd yw’r Gronfa Ffyniant Cyffredin a bydd yr arian yn mynd yn uniongyrchol i ardaloedd yng Nghymru,  Lloegr, yr Alban a Gogledd Iwerddon.   

Mae Cronfa Ffyniant Cyffredin yn rhaglen dan arweiniad Llywodraeth y DU sydd â’r nod o ddarparu cyfleoedd i fwy o bobl ar draws y Deyrnas Unedig.   

​

 Bydd y rhaglen flaenllaw yma’n cynnig cefnogaeth i brosiectau ledled y wlad gydag addewid o  £4.8 biliwn o fuddsoddiad er mwyn sicrhau Ffyniant Cyffredin.   

​

 Mae’r arian ar gael ar gyfer prosiectau sy’n creu cyfleoedd yn eu mysg y canlynol:  

•  Gwella sefyllfa hefo gwaith, cyflogau a safonau byw mewn ardal.  

•  Gwneud strydoedd yn fwy diogel.  

•  Gwarchod iechyd a lles pobl.  

•  Buddsoddi mewn strydoedd mawr a chanol trefi.  

•  Gwella opsiynau ar gyfer trafnidiaeth leol. 

 Bydd pob busnes sy’n dod atom am help yn cael Mentor Busnes penodedig i'w cynorthwyo i sicrhau llwyddiant i'w menter.  

​

 Bydd ein rhaglenni Mentora Busnes yn eich helpu yn y byd busnes. Gyda chymorth a chyngor ymarferol ym mhob elfen o fusnes,  gan gynnwys darparu Cynllun Busnes a chreu a mabwysiadu ystod eang o bolisïau perthnasol, mae ein tîm yma i'ch helpu.

 Bydd Rhaglen Eiddo Gwag Môn CF yn canolbwyntio ar brynu adeiladau gwag yng nghanol tref Caergybi a’u trin ac addasu i'r safon uchaf posibl. Bydd yr eiddo wedyn yn cael eu cynnig i drigolion a sefydliadau lleol i'w rhentu.   

 Lleoliadau Swyddfeydd